Let the game begins ...

終於 $12.1 買入 10000 股財險(2328)。Stop px = $11.5。現在日線 DMI+(14)=28.67 ; DMI-(14)=13.154 ; Momentum = 0.52
不過出師不利，午後倒跌收市報 $11.74。
另一隻觀察中即將乎合 open criteria 係 聯通 (762)。

製作自己的炒股方程式

如果上網研究一下，查一查關於 Richard J. Dennis 和 trend-following。我相信大家很容易便可找到當年 Dennis 找 十個 trainees 炒賣既故事。當時他戲稱那班trainee 叫 "turtles"。其中一叫 Curtis Faith 更將當年既 trading rules 放上網供人免費下載。不過正如前文所講，如果將個trading rules apply於近十年既 data。真係好似唔係好work。又或者套rules本來係用來炒商品期貨，所以唔多適合在股票。總之就要自己作過一套啦。
老實講，我自己既數其實又唔係特別醒。所以我會用現成有既rules/strategy，再加我覺得同trend有關既指標去試下。呢個第一個trial run，我會用「信號EJFQ」加 DMI 同 MTM index。
個 open criteria 係 EJFQ 長短皆綠燈，並且DMI+向上穿過DMI-，另MTM從低位上昇並必須為正數。Stop/exit 則是買入價 -5% 或 DMI- 向上穿過 DMI+ 或 MTM 向下並少於 0。最後股票成交要5M以上及並非仙股及創業版股票。
就近日股市所見，應該只有財險(2328)滿足以上criteria。那我們明天就開始實驗吧！

趁勢

信報曹仁超話齋:「有智慧不如趁勢。」我非常同意。你可以做好多研究發掘某某公司既內在值。譬如X公司現市價$10。但你研究發覺合理值應該是$15。跟著你便以$10買入，並滿心觀喜想著不久股價即使不到$15也應該上到$12-$13元。但一個月，兩個月過去。股價還是有$10上下浮浮沉沉。反而，那隻無什業績既消息股就上完再上。好似所謂既合理值同股價是風馬牛互不相干的事。或者你也經歷過。但我們不時都聽到發掘價值股的故事又怎樣發生的呢? 我認為這多少同誰發掘到有關係。譬如謝清海(Value Partners) 突然買入某股票。其他基金經理當然會立時去研究一下。否則如錯過了而跑輸同業，下年便要走路咯。這樣那隻股的內在值便會顯現出來，甚至炒過龍。但如果你睇中既股票係D無基金cover既公司。那你真係會有排等。當然最可能是你的研究未全面。所以當有股票被「發掘」出來不如趁勢炒一炒。
不過如果說跟大勢炒一轉，好多「價值投資派」會非常有意見。所以我會比D「價值」佢。或者叫作quantative approach。我估都嚇得下人掛? 又或者叫 trend following strategy 。話說上世紀下半葉有個芝加哥期貨大炒家叫 Richard J. Dennis。佢發明 trend-following method 去炒期貨(我其實唔知係唔係佢發明，但佢應該係第一個用呢種方法炒賣發達)。由US$1600 炒到變 US$200M( 佢在1987-88股災蝕左US$50M之後就唔玩。即係仲有US$150M。)。 佢聲稱任何人都可以用trend-following 做到佢一樣。你會話：「唐英年夠話人人都可以做李嘉誠啦！」Richard Dennis 當時就請在十個練習生做一個實驗。打本叫佢地跟足自己套trading rules做買賣。5年實驗完結，據稱共賺US$175M。不過由於呢套trading method 已廣泛流傳，並且被其他改良版out-trade。在90年代後既 return 已經低了很多。
但舊係唔係一定無用呢？呢樣我倒想研究一下。

點炒好呢?

究竟點樣先可以炒股票賺到錢？有人相信畢菲特既價值投資法。有人信電視電台阿四五六叔既貼士。有人信自己既Gut Feeling。又有人會用支筆在股票圖上畫來畫去好似扶乩禁，睇下有無啟示。就我眼見，用價值投資法賺到錢既真係無幾多個。我唔係話價值投資法無用。但係我輩凡人又點睇得出一間跨國企業盤數有幾靚？份年報你真係睇得明？有無唔見得光既無擺上去先？而且個個做生意都知道，比會計師同自己睇盤數都唔同既啦。你幾時會見到公司爆煲，個會計師會走出來話個年報寫得好清楚？除非你好似畢菲特有成Team猛人幫你check數，又或你有睇透數字背後既本事。呢條王道真係唔係個個行到。
至於四五六叔既貼士，出得街就唔係貼士啦。反而學周顯話齋，你自己股票行個經紀(不過要做到Director果個)D貼士仲穩陣。
Gut Feeling - well 睇下邊個D啦。一般如你我既凡人就其實係靠估。不過我就識得朋友(佢從前做銀行investment advisor)，佢既gut feeling 就10次有8次中(係，佢已經唔使做，得閒出下埠玩好幾年喇)。不過佢即使唔使做，都對住部股票機。市值/PE對佢來講唔重要，最緊要係隻股有無得炒。我估呢D就係Malcolm Gladwell 本書Blink 所講既rapid cognition. 簡單講即係由四歲就坐著餅罐學打牌既賭仔強一睇你打隻九筒就知你叫卡窿四筒一樣。或者可以叫功多藝熟。不過都要D天份。即係你努力可以考到八級鋼琴，不過你仲要好有天份至做到郎郎。天份同中六合彩一樣，命裡有時終須有…
最後所謂技術分析。即係D財經演員成日話升穿條幾多天線變成射擊之星隻股就上望幾多幾多。就好似蘇文峰教睇相。呢D其實都係Statistic。但問題係每隻股都唔一樣，等於同卵孖生同有少少唔同，有著唔完全一樣既命運。同樣相似既走勢形態，最後結果可以很不一樣。或者俗稱所謂走勢陷阱。而要避過就似一門藝術多過一門科學。當然，有無數火箭專家都想用數學方法將佢拆解。其中AHL呢隻基金都算係其中既表表者。佢當然唔係只一種Strategy (方案) 啦。不過佢 (其實好多同類基金都有用)既 trend following strategy 我都幾有興趣。至於點解，我下次再講。

不如賭博

坊間有云，生意淡薄，不如賭博。其實做生意本來已經係賭博(90%以上既生意會於5年內結業)，其他的「賭博」其實只不過係分散投資而已。尤其是如果落注於上市股票，分分鐘贏面大過自己開公司(至少人家有本事做到上市)。大吉利事講句，剛剛上個月又有個客比人清盤。即係話年頭走貨既尾數凍過水，白做兼倒貼。總之家陣做廠真艱難。講完一大輪，其實不過是比自己有藉口坐在公司炒股票。
不過自己的炒股技術乃係有限公司。炒來炒去都只係好過做定期存款。不過反宜幫人炒反而有多少收獲喎。或者係因為那是外父既錢，心裡面既目標就係不求有功，但求無過。結果每年也有10%左右回報。尤其08-09年，大部份房地產基金 (REITS) 都跌到七個一皮。我當其時既想法係，就算再跌，每年都有十幾厘股息，應該都無衰掛。加上股息又可以分比外父，就誤打誤撞買左。大家睇睇隻 0435 同 1881呢兩年表現加股息就知禾味。就算今日買都有6-7厘股息，絕對係幫老人家投資既首選。