靜

個市靜到乜。美股升三百幾點都夾唔起。我相信即使阿爺再減RRR也只能能令大市反彈一個星期左右。因為各銀行其實先前已經借突左。不過銀監當時無睇得禁緊，大家都用短期(1-3個星期)特別定期來吸錢交數。月尾交完數就當無事。但宜家由月尾交數改到每星期(有D銀行只要客戶週未不提款，weekend 兩日自動做3厘半)。好似最後要日日交。減左RRR其實都係比銀行用來填數。應該流唔到出來。港股繼續無運行。

小沽一注

昨日大市先隨A股下跌，加上金正日死訊，上午跌400多點。雖然下午反彈200多點，但大市依然偏弱。日線圖縱然看似到反彈位，但週線圖還是向下。應該是有反彈無大升。昨日收市後期指升幾十點。我先沽一張19800call。如果個後市有本事升貼18800再沽多張。

提早過聖誕

美股昨晚跌66點。今日港股低開，在午後略回順。但MACD及Stoc都指向下，都係清左最後少少再算。呢頭放左，果頭A股就急跌。睇怕如果阿爺唔再放水，A股見2000都話唔定。即係話港股都唔慌有運行。應該都係睇位沽張call。

YTD = -8%

停一停，諗一諗

星期五美股昇百幾點。今朝港股開市跟昇300左右。但A股跌至2300邊令港股昇幅受制。近幾星期股市波幅超大。單日昇跌五百點以上就如家常便飯。但往往連穿幾個技術位又急速掉頭。如用類似Turtle的trending following trading就左一把，右一把。都係時間停一停，諗一諗。
相對美股波幅比較少。即使估值比港股高，但反而容易有錢袋。買美唯一缺點是無精神睇到收市。只好做定功課，set好位等到價。第朝起身先知有無trade成到。不過有時發覺反而唔會因為聽到D無謂消息亂做trade，所以到現時都有少少利潤(touch wood)。
可惜港股套trading system無美股先進。譬如港股無自動高位回落5%既stop(即止蝕不止賺)。對於我呢D股市分析能力低既人，呢類不涉感情，到價即賣或買既系統有時都幾幫到手。

教訓

今日大市跌五百幾點。平日通常見有乜風吹草動即刻撳掣走人。今日存有少少反彈既希望走慢左。
呢個故事教訓係，到左 stop 就唔好等。錯左就要即走。

留番半注 H-ETF = 3%

Cash 97%

YTD = -7.9%

加碼

見近日港股每穿19000就即刻比人托。加上期指貼水至微高，加碼H-ETF。
幾隻雜股今日MFI資金流向指數向昇。其中3618主動買入更超90%。要留意加碼。

H-ETF = 6%
雜股 101,148,2722,3618,3339,2689 = 12%

YTD = -6.8%

"那些年 的 平行時空"

跟買

自問揀股並非強項，只係少少地跟CUP Sir 執左幾隻。大注都係H-ETF @104.2
暫時 Slow STC, DMI, MACD 都向上。
如再升再加碼。

並無期權操作。

Trending up!

全球央行突然放水，今早即平之前兩張沽Call。(居然)賺得果少少。重要即刻追貨，因為短線已trend up。基本因素再講都無謂。

死貓彈

今朝見大市向下即放隻H-EFT，賑面微賺。連手續費就微蝕。
想反手沽多張期權個市已經跌過200點。又要等下次反彈。

短線搏反彈

美股升近300點，以為會港股會大升。點知高開百多點就向下走。不過D期權都無位沽落去，最後買少少H-EFT搏下午反彈先。

明年樓市睇淡

近日和友人談起地產商都在放盤，討論樓價升跌問題。尤其歐美將放水引起通漲。
我答樓價會跌。因為樓價高低最終取決於購買力及供求。譬如過去十年，香港通漲都在低水平 (>5%)，但樓價卻一直向上。反之近月通漲至6+%，樓價卻回軟。所以我們實要研究歐羅危機對購買力的影響。
首先大家都相信歐羅會發行共同債券去支付/購買現時已發行的歐豬債券。這批債券數量最少有十萬億，否則不足付償即將到期之歐豬債。但息率不會十分低因為大家到知問題其實還未解決，而且歐羅會有貶值風險。
由於只是用債償債，市場銀根並無增加。並由於債息增加，歐洲無風險息差亦應增加令貸款成本上升使負財富現象出現。歐洲經濟會出現衰退。
同時美國絕不會任由美元升值，必會立時QE。可是由上一次QE看到，錢並不會流到消費者手上。加上Basel III的新增資本規定，銀行寧可減債也不會把資金借出。美國這時沒有了歐洲這個買家，中國消費者又未能取代歐洲，美國經濟蹤使不衰退也會半死不活。
那麼中國呢？大家都期待下年中國領導人換屆後會放鬆RRR。但放鬆RRR甚麼人會借到錢呢？照我看還不是到了國企或是有背景民企及地方政府。就看剛剛拍賣完的地方債，3-5年期息率3%左右，牽頭都是建行等大行。但今日國內3-5年定期儲蓄息率都在5%以上。基本上是國有銀行送錢比地方政府。而且國內高通漲問題，RRR放鬆也會是非常慢。中小企和普通平民百姓要跟銀行借錢將還是十分困難。同時美國重返亞太區，必迫人民幣升值。可是中國大部份出口還是低端制品。加上中國政府每年硬性增加最低工資20%基本上是自制通漲。失去了歐洲訂單的工廠再面對人民幣升值及通漲，明年經營環境更加惡劣。
所以明年全球購買力應該下降。買樓還是等一下。

無膽做大

總結11月比較容易賺到錢。恆指月初19000-20000上落。總之到19000就渣，差不多20000就沽。直到月中破18900後長沽至今。可惜自己無膽做大，月回報只昇少少。

股票長線睇跌。全cash。
只餘兩張12月20000沽call 等收錢。
YTD -6.9%

得個吉

尋晚見美股跌，今朝急急平左昨日的Call。賺得果少少。未夠cover short 19400期權既損失。
加上今日跌兩百幾點，H-ETF一齊跌。呢兩個禮拜得個吉。

反手

見尋晚美市高收，今日平兩張19400期權。再反手渣兩張18800。
尋日買2828方向正確，今日再加兩注。
Portfolio YTD -8.8%

做下牆頭草

個市彈左幾日都唔跌，都係買D貨先。見H股當旺，入一注H-ETF(2828)先。
再渣1張18600 CALL，不過3點過後見個市回，多手放左。賺少左。

不過如果升到18800，就要準備同之前D沽CALL做REPAIR。

再沽

再沽兩張19400期權。可是做得有點，急價位做得不太好。

講下故仔

小弟於2006年5月買入一筆過(Lump Sum)儲蓄基金，其中主要是港股/大中華股。以為長線必賺。當日恆指16300。
小弟先幾日除消基金，恆指16250，扣除管理費蝕7%。事實証明買股票timing 好重要。莫道自己是長線便不理升跌。你話人生有幾多個5年？
凱因斯話齋:"in long run, we are all dead" 買股票，其實只爭朝夕。到80歲先有回報又有何用。等如有個女仔你好喜歡，但一直都追唔到。到你80歲先話嫁你。就算個女仔保養得好似二三十歲，你自己都無X用啦。
唯一安慰係回報好過MPF。同唔高興，打個電話填張form就可以除消。

等待返彈

個人股票上月已全部清倉，兩個期權部位亦於今日獲利平倉。
現待大市返彈，再沽期權。
個人覺得恆指16000點將會在短期失守。但希臘一日不宣告違約，大市一日不會見底。不過連日急跌，應會有返彈。但觀近月大市表現，應只會彈至17400左右。
估計大方向會向14000進發。

無福消受

昨日大市勁升722點，但因早已清倉所以無福消受。反彈主要是指數成份股及個別強股，但市寬並無改善。
今日指數略為回順，跌118點。全日在二百多點波幅區域上下遊走，缺乏方向。上證回落至2400以下，斷估A股在黃金周前繼續扁軟。
明天恆指結算，估計沽盤轉倉應帶動大市向上。之後除非歐債有利好消息，大市十月應該繼續陰乾。
環顧全球表演，美股並非如港股惡劣。部分股票還創新高。其中麥當努(MCD)表現不錯，如回落至80元左右會考慮持有。

長沽Call Option有得賺?

前篇文章研究過長沽Call Option. 得出長沽下月2000點以上Call必賺結論。再看看輸的月份。十年間其實得10個次大市會於兩個月間升過2000點。其中主要係2007年5-8月及2009年2-5月。每次都要輸三,四十萬。
若果要控制風險用Call spread方法的話(e.g. 2000以點沽call，2400點以上渣call。此最大風險輸400，賺期權差別金約50-60點)
以此作十年模擬每月1號做以上合約:
十年共賺期權金$317500。輸指數$172000。實賺$145500。雖然好似期權金比做單賺少左，但效果其實比做單邊還好。
如倒轉做short put:
十年共賺期權金$317500。輸指數$198000。實賺$119500。
如兩邊同時做(即所謂鐵鷹 Iron condor)實賺$265000。

但現實又是否真的如此？在01-06年間，效果倒不錯。這五年間差不多有賺無賠。但最近五年，尤其是07-09大市volatility(波幅)比較大，五年間應該要輸五萬多元。
所以世事係無絕對，最緊要timing。

清倉

今日一直期待會反彈。可惜事與願違，大市高開少少又變彈散。連手上一表現直硬淨既領匯都跌到止蝕位。金價亦大跌10%。最後手上所有股票部位全部清倉。之前short兩張十月21000期權Call亦因只值20點左右，再跌都無肉食所以平倉。
YTD -9%
宜家唯獨short一張十月19400期權Call。斷估期權金應該袋袋平安，可以幫補一下股票損失。

現行策略:
大市反彈再short多張Call。
股票要待大市轉勢(如信報強指數向上，弱指向下)才有動作。

跳船最後機會

今日翻睇信報舊聞。羅耕兄玩拼圖真係出神入化，測出九月乃跳船最後機會。
利害!


*出自8月11日信報