新一年

2011已經過去。全年蝕7.9%。雖然話好過恆指。但蝕左就係蝕左。我又唔係基金經理，好過恆指我無Bonus。
今年2012年，我估上最大機會係上落市式陰乾。即係Trading Range 17000-21000，並trend向17000(有D似科網爆股破後)。因為歐洲應該繼續半死不活。每季D歐債到期應該都會一輪大龍鳳，跟著差少少跌落懸崖又拉返著。歐洲少左同世界買野，中國出口應該唔會好。但內需增長應該局部抵消歐洲因素。下半年中央換屆。大家都估中央會大開水喉。但萬一中央唔禁做又或只開少少又會點呢？太長遠，無得估。

今早恆指高開300幾點。但成交偏少。大家都唔多敢落場。或者兩個星期後又放長假，大家都唔想太重倉，以免農曆年假時歐美有乜風吹草動無得走。不過話時話，安德烈‧科斯托蘭尼講過：「當成交量小時，如果指數看漲，這種情形就非常有利。」如果明日續漲，話唔定係個偷雞時機。

2012年開倉有半注交行3328，一張1月沽call@19800。