持股過年

呢兩日續追貨，再加注信義玻璃(868)、交行(3328)及重慶機電(2722)。大市HSI重上20000。成交600-700億。這兩日見幾隻持股都有人獲利出貨。如交行見6.08高位後即回至當日低位5.91。後臨收市又追至$6。似有部份人選擇渣cash 過年。
A股收2300以上，過年後開市應該再上。

YTD +1%

回調再買

今日趁市回調加注信義玻璃(868)及交行(3328)並買入龍工(3339)。尾市想撈多注重慶機電(2722)但只成得10000股。
A股今日回30點，但大市續升，只是國指微回。成交量增。即之前觀望派開始加入。大市有望再上。

YTD +0.65%

上破19400

昨日跌百幾點，尾市撈底落3個盤成得1個(868)。
今朝開機HSI跳升300幾點比佢嚇親。大佬呀，未入夠貨就上。食完晏重要破19400。唯有睇下尾市或明早有無得回。

YTD +0.57%

應該係個偷雞時機

A股續跌30點。午前恆指曾微跌，但恆指午後升100點左右收市。成交一般但低位有承接。再加半注交行及信義玻璃。冠捷想加注但成唔到。
雖然離月底期指結算只8日。但恆指似有機月尾試衝20000，先獲利平19800沽call。(雖然期指升左，但賺時間值及賺波幅下跌。)
總結全週2,3線股皆量價上升。但大市成交還是500億左右。話唔定先估"係個偷雞時機"會中。

YTD +0.34%

企穩19000點

大市隨A股由18500左右反彈。大前日於5.52追多半注交行。
今日大市續企穩19000點。今日見不少2-3線股有突破。冠捷大成交跳升8%。
尾市追入半注(903)冠捷及(868)信義玻璃
大市成交一般，尾市未有隨A股低走。返而將升幅擴大至140點左右。短線有機會再向上突破，明日或渣一張細期。

YTD +0.2%

新一年

2011已經過去。全年蝕7.9%。雖然話好過恆指。但蝕左就係蝕左。我又唔係基金經理，好過恆指我無Bonus。
今年2012年，我估上最大機會係上落市式陰乾。即係Trading Range 17000-21000，並trend向17000(有D似科網爆股破後)。因為歐洲應該繼續半死不活。每季D歐債到期應該都會一輪大龍鳳，跟著差少少跌落懸崖又拉返著。歐洲少左同世界買野，中國出口應該唔會好。但內需增長應該局部抵消歐洲因素。下半年中央換屆。大家都估中央會大開水喉。但萬一中央唔禁做又或只開少少又會點呢？太長遠，無得估。

今早恆指高開300幾點。但成交偏少。大家都唔多敢落場。或者兩個星期後又放長假，大家都唔想太重倉，以免農曆年假時歐美有乜風吹草動無得走。不過話時話，安德烈‧科斯托蘭尼講過：「當成交量小時，如果指數看漲，這種情形就非常有利。」如果明日續漲，話唔定係個偷雞時機。

2012年開倉有半注交行3328，一張1月沽call@19800。